Loftkæling í bílnum – Af hverju er mikilvægt að þjónusta hana reglulega?

Á Íslandi getur liðið langur tími án þess að loftkælingin sé mikið notuð. Þegar hlýnar í veðri eða lagt er af stað í sumarfrí er því oft ekki fyrr en þá sem kemur í ljós að kerfið blæs aðeins volgu lofti eða virkar alls ekki.

Loftkælingin gerir þó mun meira en að kæla bílinn á heitum dögum. Hún hjálpar einnig til við að halda rakastigi niðri í bílnum og flýtir fyrir því að þurrka rúðurnar þegar þær móðast. Þess vegna er mikilvægt að halda kerfinu í góðu ástandi allt árið um kring.

Hvers vegna þarf að þjónusta loftkælinguna?

Flestir framleiðendur mæla með að loftkæling bílsins sé þjónustuð á um það bil tveggja ára fresti.

Ástæðan er einföld – kælimiðillinn í kerfinu minnkar smám saman með tímanum. Í mörgum bílum tapast um 10–15% af kælimiðlinum á ári, jafnvel þó ekkert sé bilað.

Í loftkælingarþjónustu er meðal annars:

• Kælimiðill endurnýjaður.

• Kerfið yfirfarið.

• Leitað að mögulegum leka ef grunur er um slíkt.

• Ástand loftkælingarinnar metið.

• Skipt um frjókornasíu ef þörf er á.

Með reglulegu viðhaldi heldur loftkælingin áfram að kæla vel, móða hverfur hraðar af rúðum og líkur á kostnaðarsömum bilunum minnka.

Algeng einkenni þess að loftkælingin þarfnist athugunar

Loftið er ekki kalt

Algengasta merkið er að loftkælingin blæs volgu eða aðeins köldu lofti.

Í mörgum tilfellum vantar einfaldlega kælimiðil í kerfið. Ef nýlega hefur verið fyllt á það getur þó verið um leka að ræða sem þarf að finna og gera við.

Slæm lykt úr miðstöðinni

Ef vond lykt kemur þegar loftkælingin er sett í gang getur orsökin verið óhrein frjókornasía eða bakteríur og raki sem hafa safnast fyrir í kerfinu.

Regluleg skipti á síunni og hreinsun loftkælingarinnar hjálpa til við að halda loftinu fersku inni í bílnum.

Óvenjuleg hljóð

Loftkæling á að vinna hljóðlega. Ef þú heyrir smelli, skrölt eða önnur óvenjuleg hljóð er gott að láta skoða kerfið áður en minni bilun verður að stærra vandamáli.

Lítið loftflæði

Ef það tekur lengri tíma en áður að kæla bílinn eða lítið loft kemur úr loftopunum getur orsökin verið stífla í kerfinu eða óhrein frjókornasía.

Loftkælingin virkar alls ekki

Ef ekkert gerist þegar þú kveikir á loftkælingunni getur orsökin verið ýmis konar, til dæmis rafmagnsbilun, skynjari, öryggi, þjöppu- eða þéttibilun. Þá þarf að framkvæma greiningu til að finna orsökina.

Hvernig getum við hjálpað?

Hjá FYRR bílaverkstæði bjóðum við upp á þjónustu, bilanagreiningu og viðgerðir á loftkælingarkerfum. Við förum yfir ástand kerfisins, athugum hvort um leka sé að ræða þegar þörf krefur og sjáum til þess að loftkælingin virki eins og hún á að gera.

Ef loftkælingin er hætt að kæla, bíllinn móðar mikið eða þú hefur tekið eftir einhverju óvenjulegu skaltu ekki bíða fram á heitasta dag sumarsins. Því fyrr sem vandamálið er greint, því meiri líkur eru á einfaldari og hagkvæmari viðgerð.

Við erum alltaf til í að fara yfir málið með þér og hjálpa þér að halda bílnum í toppstandi – sama hvort það er sumar eða vetur.